Fréttir

Æfingaferðir erlendis

Akranesleikar 2010

________

ÍA >> Sund

Nú er sundárið að hefjast og núna er hægt að skrá sig hér á vefnum. Við viljum biðja alla sundmenn, nýja og gamla að skrá sig í þetta form svo við getum uppfært iðkendalista okkar. Almennir félagsmenn geta einnig skráð sig.

Skráning í Sundfélag Akraness

Viltu gerast áskrifandi?

2. september 2010 15:06

Æfingar Sela hefjast í dag

Í dag hefjast æfingar Sela 1, 2 og 3 í Bjarnalaug. Bjarney, Jóna Axel og Örn Viljar verða þjálfarar Selanna í vetur.

Vonandi verður hægt að fara í laugina í dag en í rafmagnsbiluninni í gær bilaði einhver búnaður í lauginni. Ef ekki verður farið í útileiki og kannski pottinn.

30. ágúst 2010 14:43

Æfingar að hefjast hjá öllum hópum

Æfingar hjá öllum hópum Sundfélags Akraness eru hafnar eða hefjast í næstu viku. A, B og C hópar eru byrjaðir en í C hóp eru sundmenn fæddir 1998-2000. Selir byrja á fimmtudaginn 2. september, en í Selum eru sundmenn fæddir 2001-2003. Kópar byrja 7. september en í Kópum eru sundmenn fæddir 2004. Krossfiskar, sem eru fæddir 2005-2006 byrja 8. september. Þá hefst ungbarnasund/Fjörfiskar fyrir 0-3 ára, sunnudaginn 5. september. Nánari upplýsingar má finna í: stundaskrá, nafnalistum og starfsáætlun en þó er ekki enn búið að ganga frá hópaskiptingu Kópa og Krossfiska. Hægt er að skrá sig í sundhópa hér á vefnum.

27. ágúst 2010 22:29

Faxaflóasund á morgun

Á morgun, laugardaginn 28. ágúst syndir Sundfélag Akraness sitt árlega Faxaflóasund frá Reykjavíkurhöfn og á Langasand, alls um 22km. Sundið fer þannig fram að einn sundmaður syndir í einu í fylgd hafnsögubáts frá Faxaflóahöfnum og björgunarbáts frá Björgunarfélagi Akraness. Sundið er áheitasund og hafa bæði einstaklingar og fyrirtæki heitið duglega á sundmennina takist þeim sundið. Áætluð koma á Langasand er um kl. 15:00.

20. ágúst 2010 22:31

Þjálfarar óskast fyrir Seli 1 og 2

Sundfélag Akraness óskar eftir þjálfara eða þjálfurum fyrir Seli 1 og Seli 2. Æfingar þeirra eru á mánudögum, þriðjudögum og fimmtudögum frá 16-17 og 17-18. Góð laun í boði.

Áhugasamir hafi samband sem fyrst við Gunnar gunnar@sundfelag.com eða í síma 8963412.

20. ágúst 2010 17:34

Sundkeppni lokið á Ólympíuleikum ungmenna í Singapore

Í morgun lauk sundkeppni á Ólympíuleikum ungmenna í Singapore þar sem Inga Elín Cryer Sundfélagi Akraness keppti í tveimur greinum fyrir Íslands hönd.

Aðfaranótt sunnudagsins 15. ágúst synti hún 200m fjórsund þar sem hún hafnaði í 18. sæti af 26 og bætti sig um u.þ.b. eina og hálfa sekúndu.

meira...

14. ágúst 2010 12:11

Ólympíuleikar ungmenna í beinni

Hér er hægt að horfa á Ólympíuleika ungmenna í Singapore í beinni: http://www.youtholympicgames.org/

Núna er að líða að opnunarhátíðinni og þess ber að geta að fánaberi Íslands er enginn annar en Hrafn Traustason.

11. ágúst 2010 13:31

Fundur v/Faxaflóasunds

Á fimmtudaginn kl. 20:00 ætlum við að hittast að Jaðarsbökkum til að setja í gang fjáröflun vegna Faxaflóasunds sem verður seinna í mánuðinum. Þessi fjáröflun er fyrir næstu "Spánarferð" sem er á áætlun 2012. Þeir sem fara í þá ferð eru sundmenn fæddir 1998 og fyrr. Mikilvægt að allir mæti.

Stjórn

10. ágúst 2010 14:12

Sundmenn á unglingalandsmóti

Sex sundmenn frá Sundfélagi Akraness tóku þátt í Unglingalandsmótinu í Borgarnesi um verslunarmannahelgina. Anna Chukwunonso Eze vann til flestra verðlauna en að þessu sinni keppti hún fyrir Skipaskaga. Þátttaka í unglingalandsmóti er þó aðallega til skemmtunar og markmiðið að vera með og gera sitt besta í góðum félagsskap.

Úrslit sundkeppninnar